12.04.2018
Ֆրանսիական բանկի աջակցությամբ «Սպայկա»-ն ջերմոցային տնտեսություն է հիմնել
Ֆրանսիական բանկի աջակցությամբ «Սպայկա»-ն ջերմոցային տնտեսություն է հիմնել

«Սպայկա» ընկերությունում նախօրեին բացվել է ֆրանսիական CIC բանկի աջակցությամբ կառուցված 20 հա լոլիկի վերջին սերնդի ջերմոցային տնտեսությունը։

 

Ինչպես հայտնել են ՀՀ գյուղատնտեսության նախարարությունում, բացմանը ներկա են եղել ՀՀ տնտեսական զարգացման եւ ներդրումների նախարարի պաշտոնակատար Սուրեն Կարայանը, ՀՀ գյուղատնտեսության նախարարի պաշտոնակատար Իգնատի Առաքելյանը, ինչպես նաեւ Հայաստանում Ֆրանսիայի դեսպան Ջոնաթան Լաքոթը:

 

«Ջերմոցային տնտեսությունը հագեցած է ամենավերջին տեխնոլոգիաներով, բույսերի սնուցումը, ջերմաստիճանի ու խոնավության կառավարումը, պարարտացման չափաքանակներն այստեղ ավտոմատ եղանակով են կառավարվում։ Բույսի աճեցումը կատարվում է արհեստական հողածածկույթի մեջ, ինչն ամբողջությամբ կառավարելի է դարձնում հիվանդությունների կանխարգելումը, օգտագործվում են բացառապես բույսերի պաշտպանության կենսաբանական միջոցներ»,- ասված է հաղորդագրությունում։ 

 

Աղբյուրը՝ http://www.banks.am/am/news/newsfeed/15329